Croeso i Gylch Meithrin Llanbrynmair

Mae'r Cylch Meithrin yn cynnig lle i 14 o blant 3 mlwydd oed nes y byddent yn mynd i'r ysgol. Ar gyfer y flwyddyn 2024/25 mae Powys wedi rhoi caniatad i’r Cylch dderbyn plant iau na hyn (2 oed a hyn) oherwydd diffyg rhifau rhai 3+ a llwyddiant y trefniant ers 2021/22. 

Cyfartaledd staff 3 oed a throsodd - 1:8

Cyfartaledd staff 2 – 3 oed - 1:4

Cynigir amryw o brofiadau dysgu i'r plant gan ddilyn cwricwlwm Cyfnod Sylfaen Powys.  Mae pwyslais ar ddysgu drwy chwarae a chyfleoedd i chwarae â toes, ardal chwarae rol, gemau bwrdd a jig-sos, crefft, paent, beiciau, teganau adeiladu a.y.y.b. Bydd cyfle i'r plant wrando ar storïau, canu a dawnsio. Bydd seibiant yn ystod y sesiwn i gael diod a rhywbeth i fwyta. Yn ystod 2024/25 fe fyddwn yn hefyd yn addasu y gweithgareddau uchod ar gyfer y plant iau.